PC Party chuan thuchhuah siamin, “Kum 2023 inthlanpui lo awm tura Political Party tin ten kan Economic Policy kan tlangzarh tawhah Brig.T.Sailoa hmathlir hrang hrang te zinga kan ram mamawh hnukpui ber Bairabi Hydel Project khuah chhunzawm tuma Policy a nei awm chhun chu PC Party chauh hi kan ni a.
“Hetih lai hian Mizorama Political Party te zinga an hruaitu pakhat in an Policy tlangzarh tàka an telh miah loh Six Basic Needs leh Bairabi tuikhuah chungchang vei bera alo in sawi ve leh hnuhnawh ngawt mai hian a chin dan pangngai ang bawka PC Party mi leh sa leh Zoram mipuite bum nàna a hmanrua mai a ni tih hi PC Party chuan Zoram mipui hriatah kan puang a. .
“Pu Thena Bairabi tuikhuah nasa taka sawi hnawma, Solar Energy zawk a sawi mawi avanga Pu Thena kal santu a nih kha lo in hre chhuak thar leh se ,an Party -in ziaka an dah chin chauh sawia thu puarpawleng sawi tawh lo turin PC Party chuan kan chah a ni.
“Hetianga ram bungkhat hruaitu lu ber nih tum ve meuh ina mahni awmna Party Policy neih mumal loh vanga PC Party Policy kumhlun mipuiin an duh tih hria a tuipui der hnuhnawh , a thil tih zawng zawnga nghet lo mi laka fimkhur turin PC Party chuan Zoram mipuite kan chah bawk a ni,” an ti.
