MZP chuan vawiin khan thuchhuah siamin, “MZP chuan BSF ten Zirsangliana Bangladesh a a chhungte a tlawh rawn haw lam ni 5 August, 2024 ah nasa taka an nghaisa hi hriatthiam har a ti hle a. BSF te chet duh dan hi MZP chuan a dem takzet a ni.
“20 Bn. BSF B.O.P Crocodile, Inspector Harish Sankar Rai leh a ho ten, ramria Zirsangliana an sawisa ngawt mai hi MZP chuan eng vang nge tih sawifiah turin a duh a. Zirsangliana FIR pawh lo dawn sak duh lo mai ni loin, BSF ṭan ngar ngartu Mizoram Police hotu liante pawh inenfiah turin MZP chuan a duh a ni,” tiin an tarlang.
