September ni 16, 2023 (Inrinni) hian Aizawl West-III bial chhungah MPCC President Pu Lalsawta leh Pi Zoringpuii, Aizawl Municipal Corporation, Ward No. XV Corporator te hmalakna in BSUP, Lawipu-ah Free Clinic neih a ni. Mi 250 chuangin he free clinic hi an chhim.
Free Clinic-ah hian Doctor thiamna hrang hrang a bika nei te’n damlo leh in entirte an buaipui a. In entir zawng zawng te damdawi mamawh chi hrang hrang a thlawn a pek vek an ni bawk. Free Clinic chhimtu te chuan hetianga mi harsa zawk te leh kal velna harsat avanga taksa harsatna neite tana a thlawna in entirna leh damdawi pek an ni chu an lawm hle a. BSUP ah hian Free Clinic neih a lo ni tawh thin a, vawiin anga damlo in entir leh damdawi leh doctor duty an tam hi an la awm lo niin BSUP, Housing Society hruaitute chuan sawi a. MPCC President Pu Lalsawta leh Pi Zoringpuii, Aizawl Municipal Corporation, Ward No. XV Corporator te hmalakna chu BSUP mai ni lo, Mizoram tana thil chhinchhiah tlak leh kan hriat reng tawh tur a ni, an ti.
December 13th, 2017 (Nilaini) khan chenna nei lo mi harsa zawk te tana sak BSUP Complex, Lawipu-a mi chhungkua 408 chenna tur hi hawn a ni a. Cheng nuai 3,403 senga sak EWS housing complex Lawipu veng ami hi ni 29.11.2009 a sak tan niin ni 31.3.2016 khan sak zawh a ni a. Basic Services to Urban Poor (BSUP) JNNURM under Ministry of Housing and Urban Poverty Alleviation, Government of India hnuaia sum hmanga sak a ni a. Khatih laia UD & PA Minister Pu Zodintluanga’n a hawng a ni.
