Bualte khaw daiah Saza hliam chhar a ni

Aizawl 23 May, 2022 : Lunglei District chhunga Bualte khawdai ah Saza hliam tuar hmuh niin, enkawl dam turin In lamah hruaihaw a ni.
Association for Environment Protection (ASEP) thuchhuah tarlan danin, R.Lalengzauva Huan/Chul kal turin a huan kawng a Saza hliam tuar hi hmu in, a kalsawn mai loh avangin a belchiang a, hliam tuar damlo a ni tih a hriatin, Bualte VCP K.Biakchungnunga chu hriattir a ni a, VCP hian DFO, Lunglei ah thilawmdan hrilh nghalin, Forest Dept. lam atangin ngaihven a belchiang turin hmalak tum a ni.
R.Lalengzauva huan kal tur hi a unau pa Lo lama kal tur nen kalrualin, Huan leh Lo hi kawng hran a nih avangin an kal hrang tawh a, mahse hetianga Saza hliam an hmuh takah chuan a unaupa hi punin, a theih ang anga In/Kawngpui lam panpui in an chhawm haw ta a ni. Saza hi a cherin a chau hle a, chak takin a kal hlei thei lo bawk.
He Saza hian a dul nem lai, a khel veilam hnaihah hliam a nei a, a |it-ek te pawh awmin, a hliam hi a pawng deuh pur niin an sawi. Duhthusam a a kal sawt theihloh avangin zawn mai turin an buatsaih a, Saza puitling a nih tawh avangin a rit tham ve viau a, N.H-54 kawngpui laihzau na a, Retaining Wall a hnathawk a inhlawhfa, Bualte Thalai engemaw zat punin, hahdam zawk a thlenpui a nih theih nan an zawn ta a ni.
He Saza hi a pa niin, a ki pawh chal tha ve tawk tak a ni a, enkawl dam a, hlim leh zalen taka hun a hman leh theih ngei hi kan beisei hle a, chutiang tur chuan Forest lama chinchang hre zawk ten an enkawl dam ngei i beisei ang um ASEP chuan an ti.
He Saza hmuhna hi Bualte khaw chhimlam, kawngthlang Kilometer 1 emaw lek a luite kamah niin, khawngaihtu leh tihlum mai duhlo mi a tawng hi a lawmawm a, Mizoram State Animal – Saza hi dam khawchhuak leh ngei turin Nungcha hmangaihtu zawng zawng te’n \awng\ai pui turin ASEP chuan thuchhuah an siam a ni.