Mizoram Pradesh Congress Committee chuan kan hma lawka Assembly Budget Session neih tûr atan an lo inbuatsaih lawk a, Budget Session-a an thusawi an hriatthiam theih nan Government Budget zirhona Congress Bhawan-ah a buatsaih a. Dr. James LT Thanga, Associate Proffessor, Department of Economics, MZU sawmin, Resource person-a hman a ni.
Dr. James LT Thanga chuan Party mite zawhna chhangin, COVID hripui hunlaia Mizoram pawisa dawn tur anga sawi kan hmuh loh zawng zawng hi hmu mah ila kan hman theih vek a nih loh thu a sawi a. A hman theihna erawh thlan bik awmin, duh ang anga Mizoram sorkarin a lo hman ngawt theih a ni lo a, hmu tam eng ang mah ila hman vek theih loh a nih avangin kan hloh anga sawi tûr a nih loh thu a sawi bawk.
Dr. James LT Thanga chuan Budget zirhona hunah hian Mizoram Finance chungchanga hriattur pawimawh tak tak a sawi a; Revenue Deficit leh Fiscal Deficit a sân tawh chuan Treasury khar ngam mai pawh a Kristian zia zawk thu a sawi bawk a ni. Mipuite’n chîk zawka Mizoram Budget kan lo zirchian ve a, hma kan sawn zel dan tûr ngaihtuah ve turin a chah bawk a ni.
He hun hi Lalremsanga, Secretary MPCC in kaihruaiin, Lalsawta, President MPCC in lawmthu a sawi bawk a ni.
