Budget sum awmna ziah felloh sawifiah turin phut

Kum 2022 leh 2023 a Mizoram State Annual Budget bu hrang hrang zingah Annual Financial Statement leh Receipts Budget ah cheng nuai 29300 lai ziah lan telh loh emaw account danga awm nia lang hi Mizoram sorkar in sawifiah se an duh tih Zoram People’s Movement Legislature Party Secretary MLA Dr Vanlalthlana chuan a sawi.
Nimina Aizawl Press Club a chanchinbumite ZPM Legislature Party Secretary MLA Dr Vanlalthlana’n a kawmna ah kumin February leh March thla chhunga Assembly session neih zawh takah khan 15th Finance Commission Grant hnuaia cheng 93 vbc kan hmuh zawh loh thu auchhuapui alo ni tawh tih sawiin, session neih tum khan LAD Dept changtu Minister Pu K Lalrinliana chuan budget bu ngeiah hmuh theiha a awm thu a rawn tarlang tih sawiin, hemi chungchang ah hian Dr Vanlalthlana chuan Ministry of Finance Govt of India hnenah RTI a zawhna chhanna chi hrang hrang a dawn atanga sum kan hmuh kan budget document a tarlan loh an hmuchhuak tih a sawi a, sum pawh lo dawng niteh reng se la, account dahna a danglam hian hman theih dante a danglam theih avangin an ngaih a that loh thu ZPM Legislature party Secretary chuan a sawi a, sorkar hnenah hian heng sum dawnte hi an dahna leh an hman dan felfai taka tarlang turin an ngen tih a sawi a ni.
Dr Vanlalthlana chuan Special Assistance for Capital Expenditure a 60% years interest free loan atana kan state sorkarin cheng nuai 49999 a dawn laiin Annual Financial Statement 2022 – 2023 phek 12 na ah cheng nuai 6004 Loans and Advance from the Central Govt 106 Special Assistance zawnah hian kum 2021 leh 2022 Revised Esatimate ah cheng nuai 29999 lakh chauh tarlan a ni a, RTI chhanna ah hian kum 2020 – 2021 ah cheng nuai 20000 lakh pawh Mizoram State sorkar hnena pek tel a nih thu tarlan a ni a, heihi khawi ah nge a awm a, engtin nge an hman tih chu an zawhna a nih thu a sawi bawk. ZPM Legislature Party Secretary chuan Chief Minister Pu Zoramthanga leh Finance Minister ni bawk hi a Minister leh MLA ten sum enkawl thiam avanga an fak rawn hi state sum enkawlna ah hian fimkhur leh zuala a kal a, chik leh zuala budget te lo enpui turin an ngen tih a sawi bawk a ni.