Vairengte a Kuhva Godown pakhatah Nilaini zan khan Myanmar atanga lak phai lama hralh tur nia hriat Burma Teak Cubic 200 leh Opium chi (seeds) bag 100 man ani.
Kolasib DFO Margaret Lalramchhani leh a ho te chuan an thudawn bawhzuiin, Nilaini zan khan Vairengte dai a Lalthlamuani Kuhva Godown kawtah dan lova lak luh Burma Teak Cubic 200 an mana, hemi rual hian Godown chhungah hian Opium Seeds thahnemtak hmuhchhuah ni bawk a ni. Opium seeds leh a neitu nia inchhal Lalbiaktluanga Lunglei, tuna New Champhai a cheng mek bakah a phurhna motor hi Vairengte Police SDPO Lunghnema leh a ho ten an man nghal bawk.
Heng Thingzai leh Opium seeds neitu nia inchhal Lalbiaktluanga sawi danin, Myanmar lam atanga a lei niin, Melbuk atangin Truck lian chi MZ 01 J 7886 hmangin Vairengte a thlenpui a, kawnglakah an paltlang checkgate thenkhatah pawisa a pek thu a sawi bawk.
Vairengte a a dahna Godown ah hian dah man chawiin, hetatang hian hnamdang sumdawng te hnenah hralhchhawn tur nia hriat niin, a lei tu tur erawh biak lawk a neilo niin a neitu hian a sawia ni.