Vawiin 20th April 2023 (Thursday) hian CADC BJP Office Chawngte ah CADC inthlan lo awm tur a tana inbuatsaihna neih kal zel ah AB Chakma CADC Election Campaign Chairman, State Core Group Member ni bawk chuan Amit Kumar MNF MDC nimek, CEM hlui ni bawk leh amah zuitu mi 600 te chu BJP ah lawm takin a lawmlut.
AB Chakma chuan CADC Election lo awm tur ah BJP in Sorkarna kan siam ngei ngei dawn a, chumi tingheh anihna turin vawiin ah kan ram hmangaihtu Pu Amit Kumar Chakma leh amah zuitu mi 600 ten BJP min zawm hi a lawm awm hle a, Mizoram ah pawh BJP hi Sorkarna fawng chelh tu kan nih dawn ani tih 2023 MLA General Election ah hian kan hmu dawn a ni a ti.
Amit Kumar pawhin thusawiin, vawiin ah hian MNF ah rinawm takin kan hotute hnungzuiin hma kalo la tawh thin a, nimahsela tun Election lo awm tur ah hian MNF a kan hotu te chuan CADC Election lo awm tur a Ticket min tiam chu minpe ta lova, hei hian MNF Leadership that loh zia alan tir avang leh an thutiam ah an din tak loh avang leh an rinawm loh zia ka hnuh hian, MNF hi awm reng na chi ah ka ngai lo a ni. Chuvangin vawiin ah hian CADC ah BJP in Sorkarna an siam ngei na turin kei leh ka bial mipui te nen BJP hi lawm takin kan rawn zawm ta a ni a ti.
CADC Election lo awm tur a BJP Official Candidate tur te chu, naktuk 21st April 2023 Friday hian CADC Office Chawngte ah puan hman beisei a ni bawk.
