CADC Chief Executive Member CEM paihthlak a ni

Chakma Autonomous District Council (CADC) Budget Session neih ah Chief Executive Member Rashik Mohan Chakma chu rin tawk lohna motion hmangin paih thlak a ni.
Nimin khan CADC Chairman, Buddha Lila Chakma kaihhruaina in Chakma Autonomous District Council Budget Session hi neih a ni a, MDC, Kali Kumar Tongchangya chuan CEM Rashik Mohan Chakma rintawk lohna Motion pulutin CADC a MDC 20 awmnaah MDC 13 ten he motion hi an thlawp a, Nikum October ni 14 a CEM a tana lakluh Rashik Mohan Chakma chu paihthlak a ni ta ani.
CADC hi kum 2018 khan an inthlang a, CEM hmasa ber, Santi Jiban Chakma chu Rashik Mohan Chakma hian a thlak a, a hnu reilo teah Durjya Dhan Chakma in thlak lehin Rashik Mohan Chakma hian a thlak nawn leh a, tun hi 10th CADC term khat chhunga CEM paihthlak vawi lina a ni ta a ni.CADC ah hian rorellai MNF party chuan member 20 neiin MDC zawng zawng hi MNF vek an ni.