Thawhlehni tlaia Tlawng Lei, Sihhmui piaha car-a chesual pahnih, Lalfakzuala Chenkual (39) leh a fapa Lallawmkima (10), Chaltlang Lily Vengte chu ngawrh taka zawn mek an ni a, he mite pafa hi an dam a rinawm tawh lo a ngaih a ni.
Chaltlang Lily Veng leh Central YMA bul tumin mibo pahnih chu ngawrh taka zawn chhunzawm an ni a. An tlaknaah hian tui chhungah car hi la awmin a, tuiin a Len loh nan thlun beh a ni.
Tlawng lui hi a nu a, a lian em em bawk avangin tui chhungah luh theih a ni lo a, Lei bul bakah Sairang Balu Kai leh Buichali Kai ah duty an awm a ni.
Vawiina Vanduaina tawkte zawn hna thawk a kal zingah hian Minister Lalchhandama Ralte leh C. Lalmuanpuia MLA te pawh telin duty post hrang hrang an tlawh a ni.
Pafa bo pahnih zawn hnathawk hian Central YMA hnuaia desaster management sub comittee memberte chuan an hmanrua nen an zawn bakah, Sairang Branch YMA pahnih leh Sihhmui Branch YMA te chu a bul tumtu ber zinga mi an ni.
