Vawiin chhun khan Congress Thalai – Mizoram Pradesh Youth Congress Committee (MPYCC) chuan Congress Bhavan-ah Executive Meeting an nei a, anmahni bialtu Indian Youth Congress New Delhi Secretary Sofiqul Wazid chuan hmanpuiin, Central BJP hi MNF ten an thawhpui danah hian an lawm a rin loh thu a sawi.
Indian Youth Congress (IYC) Secretary Sofiqul Wazid chuan Mizorama sawrkarna chang mektu MNF te chuan anmahni hamthatna turah chuan Central BJP lakah hian thiam takin anmahni thlawptu niin an in sawi thin a, an mamawh loh chinah erawh BJP te hi engah mah ngai lovin an thlauh thla leh thin a. Mizorama BJP MLA awm chhun pawh opposition lamah an thut tir reng hian chu chu a tichiang a ni, a ti.
Mizoram Congress chungchang sawiin, Sofiqul Wazid chuan Congress Party-in ram siam tak tak tumna manifesto a nei hi lawmawm ka ti hle a, tang puihna tih hi UPA sawrkar khan a thil ngaih pawimawh em em a ni a. Policy hrang hrang pawh duangin nasa takin hma a la tawh thin a. Pu Lalsawta kaihhruai Congress party hian sawrkarna a chan chuan heng hi a tihhlawhtlin ngei ka ring tlat a ni, a ti bawk.
IYC Secretary chuan kum 2024 India ram inthlanpuiah Congress kaihhruai UPA sawrkar a din leh ngei hi a rinawm tawh a, tuna BJP sawrkar hi sakhaw zalenna rap bettu an nih avangin rei an daih tawh dawn lova. UPA sawrkar chu India ram mipuiten koh kir leh ngei an tum niin a lang chiang tawh a. A bik takin Kristian sakhua vuantute tan phei chuan BJP sawrkarna hi a tha lo em em a ni, a ti.
Meeting kaihruaitu MPYCC President Dr. Lalmalsawma Nghaka chuan Congress Party hi Central Congress a innghat kan ni lova, nimahsela National party kan nih avangin Central atanga state thlengin inkaihhruaina fel tak hnuaia inthuikhawm kan ni. Congress party-in sawrkarna a chan apiangin sakhaw zalenna kan ngai pawimawh thin a ni, a ti a. Tunah hian Central Congress chu a tho chhuak mek a, India Suihkhawm Kawngzawh (Bharat Jodo Yatra) hian India rampumah boruak a siam thar nasa em em a. Hei hian India ram tan Congress party sawrkar a thatzia a hriattir thar hle a ni, a ti.
Dr. Lalmalsawma Nghaka chuan, Congress Party chuan Pathian rinchhan chungin Mizoram tlu chhe mek tungding leh turin hma kan la chho mek a, he ram siamthat kan tumnaah theihtawp chhuaha tawngtaina nen Mizoram mipuite min thlawp turin kan sawm tak meuh meuh a ni, a ti bawk.
Congress sulhnu a la hullo a, hniak chhia a la reh lo, chuvangin UPA leb MPCC tan next election ah beisei tur a la awm lo. Mizoram ah ngat phei chuan a la ral dawn chauh. “Thenawm te hnena Zu pe tu chu,………. Anchhelawhin awm rawhse” tih thu kha a dik chuan MPCC chuan Mizoramah Sawrkar beisei tawhlo mai rawhse. Zu zuar hi kan Ram hruaitu atan kan duhlo, Zuar chu sawilo, In bawk, chawm bawk, leibaw bawk, Zuar bawk,,, ANCHHIA hi MPCC tan a la tawp lo ve.