February 20-22, 2024 chhunga neih tur Synod Executive Committee (SEC) vawi 306-na chu February 20, 2024 (Thawhlehni) khan tan a ni a. Vawiin a tawp nia meeting chuan Central KTP Leader thar atan Rev. Dr. Rosiamliana Tochhawng chu a ruat a ni.
Nimin lamah khan SEC meeting hi Rev. R. Vanlalnghaka, Moderator-in a kaihruai a, Rev. P.B. Mankima, Synod Secretary-in report a pe a, Rev. V.L. Luaia Hranleh hnen atangin Finance Officer report ngaihthlak a ni bawk.
Secretary report-ah hian Synod Inkhawmpui vawi 100-na tluang taka neih a nih thu te, MCC lungphun phum a nih thu te, Synod Inkhawmpui vawi 100-nain a rel bawhzuia Pastor Bial thar hawn a nih thu te, Pastor leh Pro. Pastor Induction neih a nih thu te, Pro Pastor Orientation neih a nih thu te, Minister pali – Rev. T. Lalthantluanga, Rev. T.M. Thangzaliana, Revd. Dr. Chuauthuama leh Rev. Alfred Lalruatfela ten chatuan ram an pan thu te, B.D. zir tur lak thu te leh Synod Hospital Compound chhunga damlo kantute tan chawlhbuk sak leh hawn a nih thu te tarlan a ni a. Vawiin lama an thu leh hla erawh hriat hman a la ni rih lo.
