Central YMA-in hmala thuai turin sorkar a phut

Central YMA chuan thuchhuah siamin, “Ni 28.07.2025 (Thawhtanni) zana Central YMA Executive Committee thukhawm chuan, tunhnaia kan State thenawm, Assam State a Bangladesh atanga dan lo awm te hnawh chhuah an nih avanga lo inven dan tur a ngaihtuah a. Assam atanga hnawh chhuah te, thenawm State a an luh lohna turin hma an la mek hlawm a. Kan State-ah pawh engemaw zat rawn lut ve thei an nih avangin, lo inven dan turah Sawrkarin ruahmanna a la siam lo a nih chuan, siam thuai tur leh ILP pek chhuah kawngah pawh fimkhur leh zual turin kan ngen a. State dang atanga dan lo a lo lut te ven kawngah ramri a awm Sub-Headquarters, Group leh Branch YMA te pawh a tul anga hma la turin kan inhriattir bawk a ni,” tiin an tarlang.