Central YMA chuan thuchhuah siamin, “Sawrkar laipui hmalakna zuia LPG Customer-te Subsidy. Bank Account-a luh leh luh loh chungchangah, Mizo mipuite’n harsatna kan tawk niin Central YMA chuan a hria a. LPG Customer Subsidy a luhna tur Bank Account a lut lote chuan, kan distributor-te hnenah a ranglama thlen thin turin kan ngen a ni,” an ti.
Thuchhuahah chuan, “Tunlai hian Mizoram hmun hrang hrangah Mobile Tower-a Baterry leh Copper Cable rukbo a hluar hle a, hei hian mipui tan harsatna nasa tak a thlen mek a. Power Supply khaihlak changa automatic-a Mobile Tower function thin chu, Battery leh Copper Cable rukbo vang hian a function thei lova. Hei vang hian signal bo leh signal chak lo a awm phah thin. Hengte avang hian kan khua/veng theuha Mobile Tower-te humhalh a, rnisualin a part an ruk bo loh nana theihtawp chhuaha hmala theuh turin. Branch YMA zawng zawngte kan ngen a ni, an ti bawk.
