Vawkhniahzawn thla ni 7, 2022 Ningani chawhnu dar 3:30pm khan NHIDCL hotute Central YMA office ah lo lengin Pu Lalhmachhuana, Vice President leh Pu Lalrammuana CEC ten an lo dawng sawng a ni.
YMA inleng Mizoram hmun hrang hranga kawng siam hnathawktu NHIDCL hotute nen hengte hi sawiho a ni.
1.Aizawl – Champhai kawng laih mek a Leivung a paih na hmun lo paih anih avanga Lui leh Ramngaw ten a chhiat phah dan sawi lan a ni. He harsatna hi a rang thei ang bera chinfel anih theih nan gabion wall te siam a, siamthat hna a rang thei anga thawk turin hriattir an ni. Tin, NHIDCL hotute pawh hian an hnathawh avanga environment in a tawrhna chu a ranglama chhiatna lian zawk a thlen zui loh nan hmalak an tum thu an sawi.
2.NHIDCL Project kal lai mek leh thawh leh tur ah te Mipui Local mi ten a project an hriat fiah theih nan awareness campaign neih a tul thu hriattir an ni a, hemi kawngah hian a tul anih chuan YMA inhuamna pawh hriattir an ni.
3.NHIDCL contractor ten an hna an thawh ah dan lo anga an thawh emaw quality chhia ang chi te a awm loh nan NHIDCL ten uluk taka an vil a tul thu sawi a ni.
4.NHIDCL hna thawh tur te a tlangpui sawifiahna YMA ah copy pe thin tura sawilan a ni.
5.Hnathawh lai mek leh la thawh leh zel tur ah te environment ti chhe lo zawng a hma la tawh tur hrilh an ni.
Mipui lungawi loh na lian zawk a thlen loh nan tha tak a hma la tawh turin chah an ni bawk.
