Aizawla cham mek Shri John Barla, Hon’ble Minister, Ministry of Minority Affairs, Govt of India, chuan vawiin Ni 28.8.2023 tlai dar 5:00 khan Central YMA office-ah lengin Central YMA hruaitute a kawm.
Union Minister hi Mizoram BJP President Pu Vanlalhmuaka leh a thawhpui ten tawiawmin, Pu R Lalngheta President hovin Central YMA hruaituten an lo dawngsawng a ni.
Union Minister for Minority Affairs, Pu John Barla chuan Central YMA hruaitute hnenah YMA ina Mizoram leh hnam tana a hnathawh thin chu ropui tiin a ngaihhlut thu a hrilh a. Hnam hnuaihnung zawk leh tlem zawkte tana theih tawp chhuah zel turin a ngen bawk a ni.
Central Sawrkar in hnam tê leh tlem zawkte tana ruahmanna a siam zawng zawngte sawi vek sen a nih loh thu leh heng hamthatna te hi Mizoram tana luan luh tir a duhthu a sawi a, Scheme hrang hrang guidelines ziah lanna chu Central YMA hruaitute hnenah hian a hlan nghal bawk a ni.
Central YMA hruaitute hnenah hian Aizawl khawpui atanga Thingtlang leh hmun kilkhawr zawka ruang in phurh zung zung theih nan, Morque Van tha tak pek a tum thu Union Minister hian a sawi avangin Central YMA hruaitute chuan lawmthu an sawi a ni.
