Nimin chhun dar 1 vel khan Chanmari venga Pu Liannawla buiding chhawng 6 vel a kang. Pu Liannawla building (RCC building) thlang lamah hian an mahni in tho Assam type chhawng thum (floor 4) a awm a, he assam type building leh a chhak chiaha RCC building hi insi deuh rengin a ding a ni. Assam type building atang hian kangmei hi a chhuak a, a chhaka Pu Nawla te buiding hi man kai chhovin, a bulhnaia in dang pawh kang mei hian a man niin thudawnna chuan a sawi. Kangmei chhuahna hmunah hian kangthelh motor leh police lam pawh an thleng rang hle niin an sawi a, kangmei erawh thelh mih mai a harsa hle a, chanchin buatsaih lai zanin (dar 6:30) pawh khan chanchin kimchang hi hriat a la ni thei lo a. Kangmei chhuah chhan pawh hi hriat a ni rih lo a ni.
(Report kimchang zawk nghah mek a la ni)
Chanmari Local Council chairman Lalhmangaiha chuan, In hi chhungkaw pariat chenna in a ni a, kawng ận chin hnuailam zawng chhawng thum chu a kang fai vek a. Kangmei chhuahna hi Pu Liannawla (L) Building thlang chiah Assam Type chhungkaw hnih chenna in atanga chhuak niin hriat a ni a. In kangah hian mihring thi leh hliam an awm hriat a ni lova, bungraw kangral hlut zawng hi hriat ala ni lo a ni.
