July 12, 2025 khan Karunya Institutes of Technology & Sciences (Deemed to be University) in Chief Minister Lalduhoma hnenah Doctor of Letters (Honoris Causa) a hlan.
ZPM Party chuan, “Lalduhoma hian hming tha taka khawtlang rawng a bawl thinna te, hmathlir tha tak neia ram hruaitu a nih avang te, remna leh muanna a awm theihna tura nghing lo va a inpek thinna te leh hmasawnna leh mipui sawrkar dinna kawnga a hnathawh tha tak tak te avanga Karunya Institutes of Technology & Sciences, Tamil Nadu-in Doctorate Degree a hlan hi lawmawm kan tiin kan chhuang hle a ni,” an ti.
KITS Deemed to be University, Coimbatore hi India ram pum huapah pawh University tha pawl, NAAC (National Assessment and Accreditation Council) in Grade A++ a pek a ni a; UG leh PG course hrang hrang neiin Agriculture, Engineering, Management leh Science subject hrang hrangah te zirna changtlung tak an nei mek a ni.
ZPM party chuan, “Chief Minister Lalduhoma hian Mizoram dinchhuahna tur leh kaihruai dan tur hmathlir thui tak a neih, hun rei tak a lo vahvaihpui tawh chu tunah hian a hlenchhuak mek zel a. A hmangaih leh rawng a bawlsak mek Mizoram aiawha dawng a nih thu a sawi te leh, a kaihhruai kalphung thar mipui sorkar hnuaia mirethei leh kuthnathawktuten lei rem an rah theihna tura thlai thar lei leh bana kaih (hand holding) policy hmanga Mizoram khaichhuah a nih hun kan nghak chhuak ngei ang,” an ti bawk.
