Vawiin thutkhawmah hian District Medical Superintendent, Executive Engineer, PHE leh DIPRO, Kolasib district chhung a Primary Health Centre, Community Health Centre-a Medical Officer, District Programme Manager, NHM leh ASHA Coordinator-te an tel a ni.
Chief Minister Pu Zoramthanga hovin vawiin khan CM Conference Hall-ah Zokhawsanga Assam Rifles insawn chungchanga ngaihtuah tur pawimawh te ngaihtuahin meeting neih a ni. Deputy Chief Minister Pu Tawnluia, Home Minister Pu Lalchamliana, Land & Revenue Settlement Minister Pu Lalruatkima te an tel a ni.
Kum 2019 a Ministry of Home Affairs in Assam Rifles insawn thuai tura lehkha a lo thawn tawh hnua thenkhat chauh an la insawn leh, Assam Rifles lamin hun tiam an bawhpelh nasat lutuk chungchang sawiho a ni a. Mizoram sawrkar chuan a tih tur ang te a tih tawh thu leh, infrastructure chungchanga bawhzui ngai thenkhat an thlen te pawh chak taka bawhzui thuai a nih zel tur thu sawiin, Assam Rifles lam atanga an la insawn theih lohna chhan chu anmahni ah lo sawiho a, rang taka hma la turin an inhrilh a.
Deputy CM leh Home Ministry lam tun hnaia an inkawmna te ngaihthlak niin, hemi chungchangah hian sawrkar laipui atangin Mizoram lo kal tur an awm thu sawi a ni bawk.
Vawiin meeting-ah hian Assam Rifles hotute bakah Home, Revenue leh department dang hotute an tel a ni.
