Chief Minister hovin meeting pawimawh pahnih neih a ni

Chief Minister Zoramthanga hovin vawiin khan CM Conference Hall-ah Mizorama deaddiction centre leh tribal hostel chungchangah meeting neih a ni a. Excise Minister Dr K. Beichhua pawh he meetingah hian a tel.
Meeting-ah hian Mizorama ruihhlo hluar avanga harsatna tawh mek leh, chhungkua a nghawng nasat dan an sawiho a. Enkawlna kawngah sawrkar chauh ni lo, kohhran leh khawtlang, mimal nen thawhhona tha a pawimawhna te sawiin, tuna sawrkarin centre hrang hrang a neih dinhmun te sawiho a ni a. Inenkawlna neih sa tihchangtlun leh din belh mamawhna te sawi niin, chumi atan chuan project siam a hmalak dan leh bawhzui ngai te bawhzui ni se tih a ni.
Meeting-ah hian Planning Boars Vice Chairman, Vice Chairman Social Rehabilitation Board, Planning Department Secretary, OSD to CM leh Social Welfare Department official dangte an tel a ni.
Vawiin vek khan khan Chief Minister ho hian CM Conference Hall-ah bus leh sumo terminal te, flyover leh hmasawnna ruhrel dang din tura ruahmanna kal mek leh siam ngai chungchangah meeting neih a ni a. Transport Minister TJ Lalnuntluanga pawh a tel.
Meeting-ah hian hmasawnna ruhrel changtlung taka din tur mamawh hrang hrang leh funding source tur te sawihovin bawhzui ngai te an sawiho a ni. Meetingah hian Aizawl hmun hniha flyover tur te, truck, bus leh maxi cab terminal te, tourism tihhmasawn leh a dangte a tel a ni.