Aizawl April 23 : Mizorama rawn zin Bangladesh Minister of Commerce Pu Tipu Munshi chu nizan (22.4.2022) khan Chief Minister Pu Zoramthanga chuan Aijal Club ah zanriah a buatsaih sak.
Chief Minister chuan Mizoram chu Bangladesh nen a ramri intawm a nih avangin inlaichinna tha tak neih zui zel a duh thu te, ram pahnih inkara sumdawnna in hma a sawn theih nan a hmasawnna ruhrel tha zawk din zel a nih a beisei thu cultural programme an hmanah a sawi a ni.
Bangladesh Minister pawhin inlaichinna tha tak neih zui zel a duh thu a sawi a. An ram chuan hmasawnna nasa tak an hmuh thu te sawiin, insumdawntawnna lama ram pahnih tana hlawk tawnna tur a hmalak ho a duh thu a sawi.
Commerce & Industry Minister Dr. R. Lalthangliana pawhin sumdawnna ah Bangladesh nen a rmari intawm an nihna chu tangkai taka ram pahnih tan hman theih dan zir ho a, hma lakpui turin Bangladesh Minister chu a sawm a ni.
Zanriah an kilho naah hian Deputy Chief Minister Pu Tawnluia, Commerce & Industries Minister Dr. R. Lalthangliana, Speaker Pu Lalrinliana Sailo leh Minister dangte an tel bawk.
