Dated Aizawl, the 21st May, 2024: Chief Minister Pu Lalduhoma chuan vawiin khan a office-ah Pu Chetan Kumar Shrivastava, General Manager, NF Railways leh a thawhpuite a kawm a. Bairabi leh Sairang inkara Rel kawng an siam mek chungchang a sawipui.
Chief Minister hian, nikuma Sairanga chhiatna an tawk kha pawi a tih thu a lo hrilh a, an hnathawh mekah harsatna an neih te a hnenah thlen thin turin a lo hrilh. Sairang Station ah RoRo System (Roll on Roll Off) awm thei se a duh thu leh a taka Rel a lo thlen hunah ram leilung fate a tam thei ang ber hnathawka chhawr a duh thu a lo hrilh a ni.
Pu Cheetan Kumar Shrivastava hian, Mizorama kan rel kawng siam mekah, kan thir hi misualin min ruksak nasa em em mai a. Hetiang hi state dangah a thlen ngai pawh kan hre lo. Gas hmangten min cut sak a, kan bolt te, kan bearing te a bo nasa a, motor te rawn kengin an phur chhuak hial thin, kan mangang hle a ni. Hetiang reng anih chuan lei (bridge) tam tak te khu chhiatna nasa zawk tawk thei an ni, tiin rukru te vanga an harsatna a thlen a. Rukruten an thil an ruksak hnu thlalak thahnem tak a entir a ni. FIR an thehluh thin tih an sawi bawk. Bairabi to Sairang rel kawng hi nakkum July thlaa zawh hman an inbeisei a ni.
Chief Minister hi Dr. Lalzirmawia Chhangte, Secretary, Transports, etc., chuan a tawiawm a ni.
