Chief Minister Pu Zoramthanga chu vawiin tlai khan a chenna bungalow ah National Disaster Management Authority (NDMA) member Pu Krishna Swaroop Vasta chuan hmu in, khuarel chhiat kaihhnawiha chetlak leh invenna chungchanga thu pawimawh an sawidun.
Vawiina Home Minister hova workshop an neih tak chungchangte sawi dunin, lirnghing leh chhiatrupna thleng thei dang chungchangah Mizoram Disaster management plan neih mek chuan response leh relief (chhiatna a thlen hnua chetlak) lam a thlurbing deuh nia a lan thu leh, state department hotute nen an sawiho hnu in plan hi ennawn a siamthat ngai nia an hriat thu te NDMA member hian Chief Minister hi a hrilh a. Chief Minister pawhin eng pawh thleng se hmachhawn thei tura inpeihna rilru mipui a tuh a, a taka hmalak leh inralrinna tur ruahmanna siam chu a tawmpui thu sawiin, a theih chin chinah ruahmanna changtlung tak siam a nih tur thu a sawi.
Pu Krishna Swaroop Vasta hi DM&R Addl. Secretary Pu Vanlalmawia’n a tawiawm a ni.
