Secretariat Conference Hall, MINECO, Aizawl-ah vawiin khan State Level Bankers` Committee (SLBC) Mizoram – September, 2022 quarter review meeting neih a ni a. Meeting-ah hian Chief Secretary Dr. Renu Sharma, IAS, chu Chairman niin, kum 2022-23 Financial Year quarter pahnihna chhunga Mizorama Bank awm te leh line department hrang hrangte hnathawh thlir lêt a ni.
Chairman Dr. Renu Sharma chuan, Bank tena CD Ratio kum kal ta aia an neih that avangin lawmthu a sawi a, chutih rualin Bank thenkhat, meeting hnuhnung neih atanga hmasawnna nei lote’n State CD Ratio an ti hniam a. Tun September, 2022 quarter hian CD Ratio 56.61 % a neih chu June quarter atangin hma a sawn a. CD Ratio 20% aia hniam heng Bank te Yes Bank, Axis Bank leh Federal Bank leh CD Ratio 40% aia hniam bank 5 (panga) te hian tun Financial Year 2022-23 chhung hian an improve ngei ngei angai ani tiin a sawi bawk.
Dr. Renu Sharma chuan, Priority Sector loan lam te leh, Govt. Sponsored Scheme loan te bank tinin nasa eh zuala pe chhuak uar turin a chah a, Sarkar laipui in campaign KCC hnuaia a neih mek Animal Husbandry leh Fisheries te pawh loan pe chhuak hnem turin a chah bawk a ni. Social Security Scheme hnuaiah Mizoram mipui zawng zawngte thun lut tura beihpui thlak turin bank te a chah bawka, he scheme hi sawrkar laipuiin a ngaipawimawh hle a Prime Minister hian a monitor reng ani tih a sawi.
September, 2022 thlenga Mizorama Bank awmte dinhmun tlangpui chu hetiang hi a ni:
(1) Bank awm zat : 24
(2) Bank branch awm zawng zawng chu 239 a ni
a, chu’ngte chu –
a. Public sector Bank branch : 78
b. Private sector Bank branch : 37
c. Regional Rural Bank branch : 101 leh
d. Co-operative Bank branch : 23 te a ni.
(3) Deposit: Rs.14,797.16 crores
(4) Advances: Rs.8376.85 crores
(5) C.D. ratio: 56.61 %
(6) Priority sector advances chu: Rs.4376.67 crores a ni a,
(7) Advance zawng zawng atanga Priority Sector lending chu : 52.24 % a ni.
(8) Advance to Agriculture: Rs.1134.93
crores a ni a,
(9) Agriculture advances chu advance zawng zawng atangin za zelah 13.54 % a ni.
(10) MSME advances (Industry leh Business) chu: Rs. 2003.16 crores a ni a,
(11) MSME advances chu advances zawng zawng atangin zaah 23.91 % a ni
(12) Tun Financial Year 2022-2023 September quarter chhunga Annual Credit Plan (ACP) achievement 66.35 % a ni a, Priority Sector bîk achievement chu 37.72 % a ni.
