CLS Academy Felicitation Programme chu Inrinni khan Ajal Club, Rooftop ah neih niin, CLS Academy atanga zirlai naupang te hnenah Graduation Certificate VL Zaithanzama, Aizawl West-III Bialtu MLA Chief Quest ni bawk in a hlanin, thusawina hun a nei bawk.
CLS Academy Vice Principal Miss Lallawmzuali’n chuan, CLS Academy hi Kum 2018 ah din a ni a, kum naupangte niin vawiin ah hian Class-X Result vawihnih kan nei ve tawh a, chung Class-X Exam Result pahnih ah chuan Distinction ah vek kan naupangte hi pass in Result duhawm tak kan nei thei hi kan lawm hle a, Pathian hnenah lawmthu kan sawi a ni. Chumai bakah Naupangte inpekna leh thuawina bakah CLS Academy a Principal leh Staff ten theihtawp an chhuahna te, naupang nu leh pa te nen tanrualna tha kan neih vangin te in hetiang hian Result tha tak kan nei thei a ni a ti.
Tun ah hian CLS Academy ah hian zirlai naupang duhawm tak tak kan nei leh mek a, CLS Academy in kan duh ber chu zirlai naupangte chhawrtlak leh hman tlaka an awm theihna tur hi a ni a, chutiang an nih theih nan chuan tawngtaina nen theih tawp minlo chhuahpui turin Nu leh Pa te bakah Veng mipui te kan ngen duh bawk che u a ni a ti bawk.
Pu VL Zaithanzama Bialtu MLA Chief Quest chuan, CLS Academy Nursery Veng, ka bial chhungah ngei mai a awm hi ka lawmin ka chhuang hle a, vawiin hian CLS Academy in Result tha tak Class-X Result chhuak ah tum hnih lai Distinction a pass vek kan nei hi a ropui hle a ni a ti.
Pu Zaithanzama chuan zirlai naupangte, kan zirna ah mahni leh chhungkaw tan chauh a zir mai lovin, Mizoram tan theihtawp chhuah a zir tur in ka fuih che u a, Mizo thalai tamtak Central Service lamah kan nei ta meuh lova, Mizorama zirlai mek te hian Central Service a inziak tling thei khawp a thiamna leh taihmakna kan neih hi a pawimawh hle a, Central Service lama kal turin Zirlai ten rilru i nei ang u a ti.
Pu Zaithanzama chuan zirna kawngah Mizoram hi tanlak kan ngai nasa em em a, Private Sikul te chuan nasa takin, theihtawp chhuahin hma kan la a, Sorkar sikul erawh chu a enkawltu Sorkar hian a hlamchhiah tlat a vangin tun hunah hian nasa takin kan hnungtawlh mek a, hemi siam tha tur hian Education Minister pawh in hma ala mek niin alang a, a hlawhtlinna tak tak erawh an result ah alo lang thung dawn ani a ti. Chuvangin CLS Academy School hi entawn atan atha em em a, Result tha tak nei chhunzawm zel tur leh Malsawmna tamzawk nei a, zirlai Naupangte Mizoram tana puitling tur a chher zel turin duhsakna ka hlan che u a ni a ti bawk.
School naupang ten Item hrang hrang an nei a, zirlai naupang nu leh pa te atangin thusawi ngaihthlak ani bawk a, Miss Sikha Thapa in Vote Of Thanks aneih zawh ah inkhawm tih tawp a ni.
