CM hovin Council of Minister thukhawm

Aizawl July 4 : Chief Minister Zoramthanga hovin vawiin khan Council of Ministers chu CM Cabinet Meeting room-ah sawrkar department hrang hrang atanga thu pawimawh ngaihtuah turte sawiin an thukhawm.
Meeting-ah hian GAD atanga Community Hall sak nan Mamit Dinthar-a AH & Vety Department ram chu Br. YMA tana sahthlak tura rawtna lut te, Health & Family Welfare atanga Mizoram Pharmacy Council Rules, 1997 siamtha tura rawtna te, Home Department atanga an clerical post pakhat upgrade tura rawtna te, AH & Vety Department atanga Draft Mizoram Licensing and Regulation of Private Veterinary Hospitals and Clinics Rules, 2022 chhawpchhuah te, Taxation Department atanga Mizoram Goods & Services Tax (Amendment) Bill 2022 chhawpchhuahte chu pawm a ni a.
DP&AR atanga “The Govt. of Mizoram Regularization of Provisional Employees Scheme, 2020” chu provisional employee 18 tan one time relaxation siam chu pawm a ni bawk a. Taxation Deptt. atanga rawn lut, Aviation Turbine Fuel atanga VAT lak chu 10% atanga 1% a tihhniam tura sawrkar laipuiin a rawn phut chu ngaihtuah hovin, pawm a ni bawk. India hmarchhak state zingah Mizoram leh Manipur chauh ATF atanga VAT lak chu 1% (leh a aia hniam) a la dah lo awm chhun a ni.