Chief Minister Zoramthanga hovin vawiin khan CM Conference Hall-ah ‘Ruihhlo leh Kuhva’ chungchang sawiin an thukhawm. Dy. Chief Minister Tawnluia leh Home leh sawrkar dept dangte atangin leh Central YMA hotute an tel a ni.
Meeting-ah hian dan lova kuhva tawlh leh, chumi avanga Mizoram chhunga kuhva hring chingtute harsatna tawh te, tunhnaia Central YMA leh Mizoram Police hmalakna te ngaihthlak a sawiho a ni a. Ruihhlo do chungchanga hmalakna te leh harsatna tawh te sawiho a ni bawk.
CM ho a an thutkhawmnaah hian an rorelna chu hetiang ang hi a ni:
1) Dan lo anga kuhva ro leh ruihhlo lo lut te chu dan kalh an nih avangin theihtawp chhuah a man vek tur a ni. Hemi atan hian Police te an indaih tawk loh avangin anmahni pui turinn YMA leh NGO member dangte pawh a tul anga sawm a, thawhho zel ni se tih a ni.
2) Chak zawka hmalak theih nan Task Force tha tak din ni se. Home Department atangin mawhphurtu engemawzat insiamin, NGO atangin engemawzat tel bawk se. A tul a nih chuan department dang atang pawhin telh ni se.
3) Check gate leh duty posts a tam thei ang ber siam ni se. A awm sa bakah a ?ul angin gate siam belhin, uluk taka vil ni se. Chutah chuan Police te leh NGO te leh, a tul angin Assam Rifles emaw BSF emaw pawh thawhhopui thei turin coordination tha tak neiin kalpui ni se, tih a ni.
CYMA in ruihhlo do beihpui a thlak mekah a remchan dan ang zelin sawrkar pawhin sum a puih ni se tiin meeting-ah hian sawi a ni bawk.
