Chief Minister Zoramthanga chuan vawiin khan Aizawl – Reiek – W. Lungdar kawnga BUG Bridge dawh hna thawh mek chu a enfiah.
Chief Minister chu hna thawktute nen inkawmin, an hnathawh chin te a enpui a. Harsatna an tawhte ngaihthlak sakin, theihtawp chhuaha, uluk tak chungin chak taka hna thawk turin a chah a ni.
Central Roads Fund atanga sum hmuh hmanga 180.40 feet double lane lei dawh hi Sadguru Engineer & Allied Services Pvt. Ltd. te’n an thawk a. Harsatna hrang hrang avangin a hun takah thawh zawh theih a ni lo a. Tun hnuaiah Management Meeting chuan Executive Engineer, Aizawl Road South Division hovin dt 21.1.2022 ah leh Superintending Engineer (CC) hovin 19.8.2022 ah neih leh a ni a. Management Meeting hnuhnung ber chu CE (Highways) hovin 3.10.2022 ah neih leh niin, he meetinf hnuhnung berah hian Contractor ten February ni 28, 2023 ah hna zo turin an intiam a ni.
Chief Minister hian Reiek a PWD hmun leh Agriculture office hmunhma te a tlawh nghal bawk.
