Vawiin March 24, 2022 (Ningani) hian PC party chuan an Sr. Vice President Pu Vanlalruata kaihhruaiin Office Bearers’ Meeting an nei a. Meeting-ah hian thu sawi in Pu Ruata chuan, Chief Minister in sorkar laipui pawisa min pek hmun thuma ṭhena hmun khat min pe tello se, chak zawka hma lak theih a inbeisei thu a sawi nia lang chu awmze neilo a ni tiin, “Central pawisa min pek tura kumina beisei hi hmun thuma ṭhena hmun hnih chauh kan dawng anih chuan sorkar in hnathawhna tur pawisa a nei dawn lo ni mai lovin, hlawh leh inrelbawlna senso ah pawh cheng vaibelchhe sang thum chuangin kan indaihloh dawn a ni,” a ti a. Pu Ruata kaihhruai hian chak zawka hmalak dan tur ruahmanna siam zui a ni.
Meeting ah hian kum 2023 MLA inthlana an party manifesto tur thlirho a ni a. Vice President leh Manifesto Drafting Committee Chairman Pu Lalrinzuala Chawngthu in a kaihhruai a, manifesto pawimawhna te sawi in draft a pharh a, manifesto tur an duan chu ram mamawh mil anih thu sawi in uluk taka sawiho a ni a. Manifesto hi rang taka siam zawh a, thehdarh thuai turin an ruahman a ni.
