Vawiin December ni 13,2022 thawhlehni khan Congress Ṭhalai Hqrs(MPYCC) te chuan City View ah Advance Krismas an hmang a. He hunah hian Congress Ṭhalai member 70 chuang kalin programme hlimawm tak an hmang.
He hunah hian Dr.Lalmalsawma Nghaka President,MPYCC chuan thusawiin,” Congress Thalai chu a ṭha lama kan danglam a ngai,
Mizoram Mipuite thlavang hauhna leh Mizoram Mipuite hmasawnna tur kawngah huaisen tak leh inpumpekna pumhlum nen hma kan la zel tur a ni.
Congress Party hian Thalai Organization chak tak leh changtlung tak kan nei thei reng hi a lawmawm a, Block leh Unit level-ah pawh Ṭhalai chak tak kan la nei thei hi a lawmawm hle bawk a ni. Thalaite a ngaipawimawh thin hi a lawmawm hle bawk.
Opposition kan nih tirh phat aṭanga vawiin ni thlenga Congress Ṭhalaiten mipui thlavang hauhna issue hrang hranga hma kan la la zat zat thei hi a lawmawm hle a ni. MNF Sorkar a rawn din tirh a Ruling Vanglai leh Covid19 hripui in min nan chin lai a, opposition party dangten mipui thlavang hauhnaa pen chhuah pawh an pen chhuah ngam loh laiin, Congress Ṭhalaiten tha thla miah lova hma a lak char charna hi Mizoram Mipuiten an theihnghilh ka ring lo a ni.
Pathian khawngaihna dil chung reng a, Mizorama Sorkar ṭha din anih theih ngei nan theihtawp chhuah zel turin ṭhalaite kan infuih reng a ni.
Sorkar Ṭha mitin huapzo kan siam theihna tura min finchhuah leh kan tha tichak turin Mizoram Mipui zawng zawngte kan sawm tak meuh meuh a ni.”
He programme hi Ngurdingpuia Pachuau,Treasurer chuan a kaihruai a ni.
