17/9/2022: MPYCC President Dr. Lalmalsawma’n vawiin hian Aizawl North III Block Congress Thalaite intuaitharna hun a hmanpui a, Congress Thalai President hian thu sawiin, “Mizoram dung leh vangah Congress Party a haw runpui a thleng mek. Nitin mai mithar min rawn belhtu kan nei zel a, kan party kan in tuaithar mek zel a, Mizoram mipuite tan Sorkar tha siam turin hma kan lo chho mek,” a ti a.
“Congress Party in Leader-ah Pu Lalsawta mipui in an rin em em leh, mi dik tih an hriat chian kan nei hi kan vannei hle a. Party dangte angin Sorkar ngawr ngawr-na tur anih phawt chuan an tih theih miah loh tur a intiamna mipui vote zawn kan tum ve lo va, Mizoram mipuite tan kan tih theih tur leh Sorkar Tha siamna tur a Pu Lalsawta Vision a hmangin ani kan campaign dawn,” Dr. Lalmalsawma chuan a ti.
“Congress Party kan thupui ber chu tang puihna a ni a, tute nge tang kan tih chuan kuthnathawktute loneitute lirtheia eizawngte leh sumdawng te, tang em emte tan leh zualna hre lote kan vei em em a, an tan ruahmanna kan siam dawn a,” a ti a.
Dr. Lalmalsawma chuan, “Mahnia tan ngaihna hre tawh lo te tan pawh ruahmanna kan siam dawn a, thalaiten min tanpui turin kan sawm a che u. Pu Lalsawta vision a hlawhtlin theih nan mi tinte kan sawm che u a ni,” a ti bawk. Thalai rual eizawnnaa mahnia hma la chho mekte tan kawng kawhhmuh tum a nih thu a sawi bawk.
Aizawl North III Congress Thalaite intuaitharna leh infuihnaah hian Futsal an khel nghal a, Aizawl North III Block Congress Thalaite hian Unit 9 an nei mek a ni.
