Lunglei 8/3/2023:: 1st Lunglei Municipal Council(LMC) inthlanna dt 29/3/2023 a lo awm tur atana Ward awm zawng zawng 11-a Congress party candidate tur chu vawiin khan Congress Bhawan Lungleiah Lalsawta President MPCC chuan a puang.
He hun KL.Chhawnzauva President LDCC kaihhruaiah hian Lalsawta chuan Congress Party zawm thar Lunglei thalai rual mi 9 Chanmari veng ami thiau a lawmlut. Lawmluh aiawha thusawitu Moses Lalrinchhana chuan Anu in ‘kan ram a tluchhe mek a, siam tha tur a i pen chhuak ve duh anih chuan’ a tih ang a Congress Party zawm ta a nih thu sawiin sum leh paia mi rinawm Pu Lalsawta kaihhruaina hnuaia awm chu a rintlak dawn a ni a ti a, hetihrual hian LDCC chu mahni hruaitu thlangchhuak ngam leh party chhung a buai ve ngailo an nihna te leh Congress sorkar in ram tana hma an lak tawhna te chu a chhuanawmin Congress party hi innghahna tlak leh zawm tlak ber ni a ka hriat vanga lo lut ka ni a ti a, mi engemawzah lo lut tur an la awm tiin a sawi bawk.
Lalsawta MPCC chuan Lunglei khawpui enkawl a tling ngei turin kan beiseiin kan tawngtai a ni tiin Candidate tur te a puang.
Congress Party Candidate te leh an dinna tur te chu:
Ward No1(Pukpui,Zotlang): Pu V.Lalhlimzauva
Ward No2 (Serkawn,Zohnuai):Pi Lalramzauvi Chawngthu)
Ward No 3(Bazar veng,College veng): Pu K Lalsangpuia
Ward No 4(Venglai,Venghlun): Pu Joseph R.Lalremngheta
Ward No 5(Rahsiveng,Sazaikawn,Hauruang):Pi Lalenkawli Pautu
Ward No 6(Electric veng):Pu C.Lalnunsanga
Ward No 7(Chanmari):Pu PC.Thanzama
Ward No 8(Farm veng,Ramthar):Pi Elizabeth Vaninmawii
Ward No 9(Lunglawn,Salem):Pu CZ.Lalhmingmuana
Ward No 10(Theiriat,Luangmual,Sethlun,Hrangchalkawn):Nl.Lalthanzauvi
Ward No 11(Zobawk,Lungpuizawl):PuH.Lalnunmawia.
He hunah hian Pu Lalsawta President MPCC chuan Congress party Cand. tur te chu he ram in min ko a ni tih an pawm avanga Cand. pawm an ni tih sawiin he ramin a kohna hi a na em a ni a ti . Thuneihna insemzai hi Congress party chuan tha a ti a ni tih sawiin helai a tih theih reng Aizawl a kal fo a ngai te hi thuneihna semzai loh vang a ni a ti. Lunglei By pass road siamna tur Congress in a dah tawh hmun danga sum pawhpen a ni te hi a lungchhiat thlak a ni tih sawiin Lunglei tan tui hnianghnar zawk ngaihtuah a ngai takzet tih a sawi bawk. LMC Counsellor tur te chu civic body ngai pawimawh tur in a chah a, hemirual hian Lungleiah sorkar hnathawk hna kawptir tam lutuk te hi Lunglei in khawngaihthlak hle a ni a ti. Heng harsatna chingfel tur hian Congress Candidate te vote theuh turin Lunglei mipui a sawm a, hei hi in tu leh fa te tan a ni a ti.Candidate te chu sawisel an tawk dawn chauh tih sawiin nasa zawk a tanla sauh zawk tur in ni a ti. Cong.candidate te chu zei tak pawh an ni lo thei tih sawiin MPCC President anih angin vote theuh turin Lunglei mipui a sawm.
Lal Thanzara Vice Pre.MPCC chuan sum pawh awm mang lovin barhluih Municipal Council in nei dawn a,CM in campaign paha Lunglei panna kawng siam tha tur a PWD hotu te Phone hmang a a hrilh kha thil dangdai tak a ni a ti .
He hunah hian Lalenkawli chuan “Leitlangpui a chul dawn lo” tih Pu Roliana Ralte hla phuah a sak chuan kalkhawm te a hnehin party mipui ten an lo zawm a ni.
He Cand.puanna hi Rev.James Lalrammuana Punte chuan Pathian hnenah hlanin R Lalnunthara Vice.Pre chuan lawmthusawiin hun a khar a ni.
