Vawiin October 21, 2024 Thawhtanni hian MPCC Treasurer, Dr. Lalmalsawma Nghaka chuan Sinlung Hills Council election inpuahchahin Ratu bial a tlawh a. Ratu-ah hian khawtlang hruaitu thenkhat kawmin khawtlangin harsatna an tawh hrang hrangte an lo sawipui.
MPCC Treasurer Dr. Lalmalsawma Nghaka chuan, Mupuiin a thlate tuai tharin van sanga a thlawk leh thin angin CONGRESS Party in hma thar kan la dawn a, kan tho kang leh ang tih thu sawiin Congress Party hian mipui mamawh leh mipuite milin kan in siamthar leh thin a, kan hmathlir te mipui mamawh milin kan her rem thin a ni. Tluk sawp chang nei thin mah ila, Pathian khawngaihna a zarah mupui sang taka a thlawk kang leh thin angin kan tho kang ve leh thin a ni, a ti.
Dr. Mala chuan, tun hnai inthlan lo awm tawhahte khan kan che tha lo hle, mahse, chung kan chak lohnate chu inzir nan leh chona thar min petu a ni tih hriain, ram mipuite chhenfakawm sakawr a din leh theih nan, nasa takin hmathlir thar leh mipuite mamawh zir chiang chungin NEW AGE CONGRESS a lo tho kang leh thin ang khan, vawiin niah hma thar la-in tho kang leh turin kan inbuatsaih mek a ni.
Sinlung Hills Council Election lo awm tura Congress Candidate te hi kan hotuten uluk taka ngaihtuahna an sen hnua an bial theuh mipuite tana nasa taka hnathawh thei tur leh mahni inhaivur tum lova mipuite rawngbawl saka inpumpek tura rinte candidate-ah chhawpchhuah an ni a. Congress candidate-te hi thlantlin an nih chuan Congress hi Party dang pahnih hotuten thu an sut leh zung zung ang kan ni ve lo a, kan intiamnate kan tihlawhtling thin a ni. Congress danglamna hi mipui hian sawi tam ve tawh ang u, a ti.
MPCC Treasurer hian Sinlung Hills Council huam chhuang Ratu, New Vervek, Sakawrdai South leh North, Tinghmun leh Zohmun te a tawlhin,Campaign office te a hawng bawk a ni.
