MPCC Treasurer Dr. Lalmalsawma Nghaka chuan tthuchhuah siamin, “Nikum khan ZPM sawrkar hian Budget a an sum puk tura an ruahman vaibelchhe 1365.70 a ni a, a taka an puk chu vaibelchhe 3133.45 lai an puk a, 229.44 % laiin an puk tam a. Kuminah pawh budget a puk tura an ruahman chubvaibelchhe 1651.68 a ni a, June thla thleng khan Vaibelchhe 1178.53 an puk tawh a, 71.3% lai an puk tawh an ni,”; a ti.
Dr. Lalmalsawma Nghaka chuan, “Kawng chhe siamnna tur petrol leh deseal ah chhiah an la a, kawng chhiat avangin petrol leh deseal a vang thung. Mizoram mipui hi zawt ila tu hun laiin nge development a nasat ber, Congress hun laiin a ni an ti vek ang.
“Congress hunlai chuan khuarel chhiatna a lo thlenin a hunah tak chhawmdawlna kan pe thei zel a ni. Eng nge a chhan kan tih chuan kan hotuten sum renchem taka sum an enkawl rahchhuah a ni. Congress party hotute danglamna hi chu thusawi thiam lam a ni lo va, a taka thil tihah leh thudik sawiah a ni.
“Tun hnaia Pu Rahula hova an buaipui state thenkhata electoral roll khawih danglam chung changte hi thil serious tak a ni a. Scientific taka thil an chhut a, thil dik lo a awm an hmuh vanga sawi an ni. Chhungkaw khatah vote 50 chuang awmna, address mumal hmuh tur awm bawk si lo te, mi pakhat in vote 10 dawnlai lo nei te pawh an awm a ni,” a ti bawk.
