Thorang bialtu MLA ni mek leh MLA General Election kan hmachhawn tur a, Thorang bial-a Congress party Candidate Pu Zodintluanga chuan, kar kalta Ningani atang Khan a bial khaw hrang hrang fangin, vawiin khan Sesawm, Laisawral leh Marpara khua te a tlawh.
Marpara-a amah lo hmuaktu mipui te hmaah thu sawiin Pu Zodintluanga chuan, Congress Party chuan NLUP Cheng nuai 1 kan sem dawn kan ti a, kan sorkar tuk lawk-ah party in thliar bikna awm miah lovin, mi nuai Chuang te hnenah Cheng Nuai 1 kan sem mai a ni, a ti a. MNF party ten sorkar an chak lutuk avanga mipui te bum nana SEDP Cheng Nuai 3 kan sem dawn ti a, NLUP hmu tawh zawng zawng pawh an pek leh vek tur thu hial an Party President Pu Zoramthanga’n a sawi avang khan, MNF khan sorkarna an chang a, an sorkar hun tawp dawn lamah mi tlemte te hnenah Cheng 25000 vel an sem thei tawk a, mipui Tam tak beidawng leh rilru na in an awm mek a ni, a ti a. Hetiang a mipui te an beidawn em em lai hian MNF party hian, SEDP sem leh tur anga Thingtlang khaw lama thu nasa taka an than tir leh phei hi chu a pawi takzet a ni, a ti bawk.
Pu Zodintluanga chuan, Congress party chuan sorkarna an chang leh a nih chuan, tang puih na hmangin thalai, nu leh pa leh upa lam thleng in puih tlak a hnathawktu an nih phawt chuan, Cheng nuai 2 a an puih vek tur thu a sawi a, tan ngaihna hre lo te puih na tur pawh an duan fel vek tawh thu a sawiin, Congress party chuan kan ti ang kan tih chu kan ti hlawhtling thin a, tang pui na Cheng nuai 2 pawh hi Mizoram mipui te bum Nan kan hmang ve dawn lo a ni, a ti bawk.
Pu Zodintluanga chuan MNF in kum 5 chhung a Mizoram an sawp chhiat na zawng zawng leh, Mizoram mipui te min tiam tam tak te kan hre vek a, Mizoram mipui ten kan paih fel tawh a ni, a ti a. ZPM pawh in inthlan kan hmachhawn hma in a vawr tawp an thleng tawh a, social media lamah thu dik lo vawrh darh leh tawngkam dengkhawng tak tak a hman bak tih theih an nei tawh lo a. Chief Minister atana an zawrh ber pawh nimin lama thu a sawi leh vawiin lama a sawi a in kawkal nei nuai tawh a, a fing apiang in ZPM hi an chhuahsan hmasa a ni tiin, ZPM hi kan Ram kaihruai tur hian Mizoram mipui hian sorkarna an pe dawn lo a ni, a ti bawk.
Pu Zodintluanga hian a bial khaw harng hrang hi a fan chhunzawm zel dawn a, a bial khaw hrang hrang atangin Congress zawm thar mi 712 a lawmlut tawh bawk a ni.
