Congress party chuan thuchhuah siamin, “Hun rei tak rannung seh vanga Delhi a Max Hospital a inenkawl, dam leh thuai tura kan beisei em em, ram tana kan thawhpui Lalrintluanga Sailo MLA in min boralsan hi Congress party chuan pawi kan ti in kan ui takzet a ni,” an ti..
Thuchhuahah chuan, “Lalrintluanga Sailo hi pa tha tak, ram rawngbawlna ah pawh tih tak taka thil ti thin a ni. Mi thil phal, a bialte tana a tha ber duhtu a ni. A bialah pawh hun a hmang tamin a bial mipuite bakah Mizoram mipuite ngainat rawn a ni. Hetia a boralsan ta mai hi a bial mipuite kan tuarpui a, a hmunruak a zau dawn hle a ni.
“Zirna ngaisang mi a ni a, a hriatna pawh a tha hle. Sulhnu ropui tak a hnutchhiah a, Mizoram tan chuan khawiah pawh fehchhuaka theihtawp chhuah a inhuam reng thin. Dik leh tha nia a hriat chu huaitaka khawiah pawh dinpui ngam, mi hlu tak, beidawng ve ngai lo politician a ni.
“Ram leh hnam tan hnam sipai ah tangin ke a lo pen chhuak tawh a. MLA ah tum thum lai thlantlin a ni tawh a, a chhuanawm hle. Assembly House house chhunga a chetla te kha a hmuhnawmin a ngaihnawm em em thin. Hetia min boralsan mai hi Ram tan leh hnam tan channa nasa tak a ni.
“Lalrintluanga Sailo nupui fanau leh chhungte kan tuarpui takzet a, Pathian thlamuanna leh awmpuina kan dilsak e,” an ti bawk.
