Vawiin chawhma dar 11:00 am khan Pu S. Hiato, president, MDCC chenna-inah Pu Zodintluanga, Treasurer, MPCC chuan Siaha a thuthar lakhawmtute a kawm a. Pu Zodintluanga chuan, “MADC Election tluang taka zawhfel a nih avangin lawmawm ka ti a, mipuiten Congress seat 4 min pe hi kan lawm hle a. Amaherawhchu, mipuiten opposition-ah awm rih rawh u min tihnaah kan ngai a, chuvangin MPCC a PAC chuan MADC ah hian BJP leh MNF thawhpui loh ve ve nise tih a rel a, chuvangin Congress chuan eng party mah thawhpui kan tum ta lo a ni,” a ti.
Pu S. Hiato, President, MDCC leh Pu Zothangliana, GS, MPCC te pawhin thu sawiin, “BJP chu central a kan opponent lian ber an ni a, thawhpui a rem lo, MNF pawh State ah kan opponent ber a ni a, thawhpui a rem lo,” tiin Congress chuan an party inkaihruai dan felfai taka an kalpui zel an tum thu media hmaah an sawi a ni.
