CONGRESS THALAI CHUAN KAWLPHETHA BILL BA A HUNA PEK LOH FO VANGA VAUNA TAWH ZIAH HI A MUALPHOTHLAK A, HEMI VANGA A PUNG NENA BA PEK HI CHHIAH PETU MIZORAM MIPUI ZAH LOHNA A NI AN TI

Hemi chungchangah hian vawiin khan Congress thalai chuan thuchhuah suamin, Mizoram sorkarin mipuiah Kawlphetha chhit man nasa taka a tihpun a, Power & Electricity changtu Minister-in ṭawngkam mawi lo tak taka mipui a ṭawngkhum lai a, Mizoram sorkar berin Kawlphetha chhit man a pe ṭha duh lo hi rorel tlak an nih loh zia a tarlang a, a mualphothlak hle bawk. Hei mai bakah hian Kawlphetha chhit man a huna pek loh a, ṭhin ngai ziah Sorkar hian ṭul lo taka a pung tam tak nena pawisa a pe ṭhin hi chhiah petu mipui zah lohna a ni, an ti a.
Mizoram Sorkar-in North Eastern Electrical Power Corporation (NEEPCO) hnena Mizorama Kawlphetha chhit man ba, a hun taka a pek loh avanga eng a pek titawp tura vauna a dawng leh ta hi zahthlak kan ti a. Mizoram Sorkar hian eng chhit mana a leiba hi a pek loh chuan December ni 10, 2021 aṭangin kawlphetha a rawn pek hi a titawp dawn a ni, an ti a.NEEPCO-in Northeast Regional Load Dispatch Centre, NERLDC hnena lehkha a ziaka a lan dan chuan, Mizoram sorkar hian Kawlphetha chhit man ba hi a hunah a pek loh avangin leiba hi a pung zel tih a. NEEPCO lehkhaa a lan danin October ni 25, 2021 thleng khan cheng vaibelchhe 15.75 Mizoram sorkar hian a ba tawh a, hemi hnu lamah pawh hian leiba hi a pung chho ta zel a
NHPC Limited pawhin Mizoram Sorkar chu Kawlphetha chhit man ba a pek loh chuan, tihtawp sakah a vau thu kumin April ni 19 khan lehkha a thawn tawh a. NEEPCO vek hian Mizoram Sorkar karin Kawlphetha chhit man leiba ṭhingin a pek loh chuan, kumin April ni 20 bawk khan leiba ṭhingin hma an lak tur thu an ziak niin an thuchhuah an chuan an sawi bawk.