Congress Thalai chuan vawiin khan thuchhuah siamin, “Ram leh hnam tana kan thawhpui, thawhpui nuam leh theihna zawng zawng hlan thin Pu Ronald Sapa Tlau (71), Zonuam, Aizawl, kum 2014-2020 chhunga Rajya Sabha MP ni a Mizoram tana nasa taka tha lo thawh tawh thintu, Vice President, MPCC chuan vawiin ni 30.4.2025 (Nilaini) hian AIIMS, Delhi-ah lung lam tha lo (Open Heart Surgery) avanga a boral hi Congress thalai chuan kan uiin pawi kan ti takzet a ni,” an ti.
MPYCC chuan, “Ram leh hnam tana a hnathawh zawng zawng te hi Mizoram mipui hian an hre reng tawh ang.
“He i taksa boralna hian Congress party min phuarkhawm nghet zual sela, nasa zawka ram leh hnam tana rim taka thawk turin min tichak thar se kan tiin, I kalsan i nupui fanaute, i chhungte Congress thalai chuan a tawrhpui takzet a. Pathianin thlamuanin awmpui rawh se,” an ti bawk.
