Congress Thalai chuan vawiin khan thuchhuah siamin, June 17, 2025 (Thawhlehni) a tualchhung chanchinbu pakhatin, “Pu Lalchhandama Ralte, Opposition Leader-in, Congress President-in mimal takin min bei a ni, a tih hi Congress Thalai chuan mimal taka beihna ni lovin Opposition Leader ni mek Pu Lalchhandama Ralte hi Education Minister anih laia Samagra hnuaia school hrang hrang tihchangtlunna atana NABARD sum hmanga hnathawh tam takah thil dik tawk lo leh fel tawk lo a awm ngei thu a sawina a ni, tih kan hriattir a. He thil hi chhui zui mek niin, Lok Ayukta lamah Zodinsanga, Secretary MPYCC hminga FIR thehluh niin, he case hi ACB ah refer a nih hnuah ACB PS C/No. 1/2024 Dt. 11.03.2024
u/s 13(1) (a)(b)&13(2) P.C Act, 1988
R/w 420/419/120B/34 IPC (NABARD LOAN) ah ziah luh a ni.
“He thil hi Congress Thalai chuan umzui zelin thil dik lo inphumru hai chhuak ngei tur leh hremna pawh thil dik lo titute pe ngei turin hma a la zel dawn a. Thu dik hailan anih a, khatih laia Education Minister tuna Opposition Leader ni mek Pu Lalchhandama Ralte hian thiam loh a chang anih chuan a insawi ang ngeiin ram rawngbawlna atanga chawl ngam turin Congress Thalai chuan kan phut a ni,” tiin an tarlang.
