Congress Thalai (MPYCC) chuan thuchhuah siamin, “Mizoram rorelna in sang, pawimawh leh zahawm ber a hnathawk tu lak dan-ah fel tawk lo leh thil tenawm tak awm anga a lang chu pawi kan ti in, MNF Sorkar na hnuai a zirlai leh thalai te beidawng hmel hi hmuh hrehawm kan ti tawh hle.
“MPYCC chuan Assembly Secretariat a thawktu lak chungchanga
zirlai pawl hrang hrang te hmalak na leh vawiin July ni 7.2023 zing dar 8:30 atanga Assembly House kawta zirlai pungkhawm ten resolution an pass, Mizoram State Legislative Assembly Secretariat hna lak cancel ni rawh se tih leh recruitment rules thar hnuaiah hna lak ni rawh se tih te hi kan thlawp tlat bakah, Assembly Secretariat in an hnalak te an cancel hma a zirlai ten hma an lak chhunzawm zel tur-ah pawh hian, zirlai te hi MPYCC chuan kan thlawp tlat dawn a ni.
“MPYCC chuan Chief Minister awm laia Deputy Chief Minister department enkawl mek hnuaia Cheng Nuai 100 chuang a hman na awm lova ziah ral a awm thu hrilh ngam tu leh Minister te an department chan theuh uluk taka vil tur a fuih ngam tu, Mizoram State Legislative Assembly Speaker Pu Lalrinliana Sailo enkawl Mizoram State Legislative Assembly Secretariat hnuai a diklo taka thawktu engemawzat lak a ni hi pawi kan ti takzet a ni.
“MPYCC chuan, MNF sorkar Chief Minister Pu Zoramthanga kaihhruai na hnuaia Minister leh MLA te bakah, Mizoram State Legislative Assembly Speaker Pu Lalrinliana Sailo te hian, an mahni thlan an in laih zawh sak tawh-ah kan ngai a, tun thla 4 lo awm tur chhung hian chhilh bo in an awm dawn tih a lang chiang hle tawh-ah MPYCC chuan kan ngai bawk a ni,” tiin an tarlang.
