Court-in thiamloh a chantir zingah MLA tel

Vanlalenmawia, Special Judge chuan Prevention of Corruption Act, 1988 hnuaiah ACB PS Case 4 0f 2018 (SR No 2 of 2019) kum 2013/2014 vela chakma Autonomous district council hnuaia development fund hman sual chungchang thubuaiah district council member leh chief executive member lo ni tawhte mi 13 thiam loh a chantir a ni.
Heng thiam loh chantirte hian development pawisa Rs 1,37,10,147 chu advance salary atan an lo hmang a, heng an pawisa hman theuh hi thubuai chhui laiin an lo rulhtir tawh hlawm a ni. Thiam loh chantir zingah hian tuna BJP party atanga MLA nilai mek, BD Chakma, CEM leh MDC ni laite pawh an tel a ni. Hremna pek dan tur chungchanga hian thawhtanni July ni 25,2022 ah hearing neih leh a ni ang.