Pachhunga University College hnuaia ‘Certificate Course in Mizo Cultural Studies and Performing Arts’ zirchhuak mi 17 te hnenah vawiin khan Certificate hlan an ni.
He course hi Mizo Department, Pachhunga University College leh Art & Culture Department tangkawpin an buatsaih a ni a, Mizoram University-in a pawmpui a ni bawk. Tun tumah hian zirlai 23 inziaklutin mi 17 in an zirchhuak a. Theory class hi Pachhunga University College zirtirtuten an zirtir a, hnam lam leh zai chu Art & Culture department Instructor ten an zirtir thung a ni.
Certificate hlanna inkhawm hi Department Lecture Hall-ah buatsaih niin Couse Coordinator, Dr. Lalnunpuia Renthlei in a kaihruai a, Pachhunga University College Principal Prof. H.Lalthanzara’n zirlaite hnenah hian Certificate a hlan a, Art & Culture Department Deputy Director, Lalchuailova chuan thu a sawi bawk.
