Mizoram Chemist & Druggist Association chuan Drug License hmang suala Khehpuam leh a kaihnawih tawlh nan leh damdawi ruihtheih chi thlaia te hnena hralh ru duh an awm thin chu pawi an tiin sorkar in nataka hrem thin nise an duh tih an sawi.
Vawiin khan Mizoram Chemist & Druggist Association chuan an pawl khawmpui General Assembly vawi 36 na Dawrpui Multipurpose hall ah neiin, an President R Thanglura chuan damdawi zuar te chu an sumdawnna chu rawngbawlna pawimawh tak a nih tel thu sawiin, mihring tana damna leh thih theihna zuar tu an nih avangin fimkhur a ngaih thu sawiin, damdawi ruihtheih tel chi ah phei chuan hmansual a nih loh nan theih tawpa fimkhur zual turin an member te chu chahin dan phalloh a damdawi ruihhlo zuar ru te chu sorkar in nataka hrem thin se a duh tih a sawi a ni.
Mizoram Chemist & Druggist Association khawmpui chuan Drug License nei lo a kawtlai bazar leh office a damdawi khaikuala zuar thin chu dan kalh a nih avangin thuneituten manchhuak se an duh tih an sawi a, damdawi an man bak aia tlawm daiha hralh thin chu enchiang a fimkhur turin MC&DA chuan mipui te ngenin mi thenkhat Drugs License zuar thin leh Drugs License hawh te chu dan kalh a ni a, Drugs License hmang sual Khehpuam leh a kaihhnawih tawlh nan leh damdawi ruihtheih chi thalai te hnena hralh ru duh an awm thin chu pawi antih thu Mizoram Chemist & Druggist Association te chuan sawi bawk.
MC&DA chuan damdawi thalo enfiah zung zung theihna tur Drug Testing Laboratory chu hman thuai a nih theih nan chak taka hmalak nise tih an khawmpui ah hian an rel bawk a ni. Mizoram Chemist & Druggist Association ah hian Drugs License nei mi 4000 an awm mek a ni.
