Dampa Bialtu MLA, Pu Lalrintluanga Sailo chuan vawiin hian a bial chhunga ruah leh thli vanga chhiatna thlenna hmun hrang hrang a tlawh kual a, Khaw hrang hrangah khawtlang hruaitu ten an lo ṭawiawm a ni.
Tun hnaia Thli leh Ruah avang khan Dampa Bial chhung, chuanchung lam Aibawk to Darlung inkarah Lei nasa takin a min a, PWD lam hotu te hnen aṭanga thu dawn danin kawng thenfai nan hian thlakhat dawn hun hman a ṭul mai theih thu dawn a ni, hetiang bawk hian Reiek to Darlung via Kanghmun lam kawng pawh Lei a min nasa hle a, Kanghmun lam kawng erawh chu PWD lamin Kanghmun thleng an lo thianfai tawh a ni.
Kanghmunah hian Pu Biakthansanga In a chim a, In chim leh mai hlauhawm vangin In panga an ṭhiat bawk. Heng bakah hian Darlungah, Pu Lalnunenga In achim a, Sabualah Pu Laltluangliana In chim bawkin chenna tlak loha In ṭhiah ngai 4 a awm bawk a ni.
Sabual lam hi tun dinhmunah engtikawng maha Motor luh theih anih loh avangin vawiinah hian Damlo, Kanghmun Damdawiin pan tur pawh Ṭhalai tlawmngai ten KM 15 lai chu ke in an zawn phei a ni
Bialtu MLA, Pu Lalrintluanga Sailo chuan chhiattawkte a tawrhpui takzet a ni tih sawiin, Sorkar aṭanga tih ngaite a lo buaipuisak tur thu a sawi a tin, Silpaulin Bandle 15 Khaw hrang hrangah aṭul apianga hman turin a hnutchhiah bawk a ni.
