Vawiin ni 18 Dec, 2023 Thawhṭanni hian Dampa Bialtu MLA Pu Lalrintluanga Sailo chuan W. Phaileng tlawhin hun a hmanga, W Phailenga Khawtlang hruaitu leh Party hruaitu ten W Phaileng Dintharkawn YMA Information Centerah hlimtakin an lo lawm a ni.
Bialtu MLA, Pu Lalrintluanga Sailo chuan W. Phaileng leh Dampa bial hrang hranga khuaten an Bialtu MLA ni leh tura an thlan tlin avanga lawmthu sawiin, Dampa bialin nasa zawka hma asawn theihna tura atheihna zawng zawng hman atum thu asawi. Chutih rualin Ram pumah sorkarna an chan tâk lohah chuan W Phaileng MUP hruaitute nen W Phailengah College din tuma hmalakna kalpui kan tum erawh tun Sorkarah chuan kan ti theilo mai ang tih ka hlaua, pawi pawh ka ti hle a ni, a ti.
He mi rual hian Sorkar hmasa lama Bialtu MLA Pu Lalrintluanga Sailo in W Phaileng Bazar saktur NEC kaltlanga a lo buaipui tawh, tuna Commerce & Industries Dept. leh PWD kaltlanga sak ṭan hna an lo thawh mek chu a hmunah tlawhin a enfiaha. MLA chuan. ” He Bazar hi W Phaileng mai ni lo, a chhehvel Khuaten ṭangkai taka an hman thuai theihna tura thawktu ten ṭha taka thawka a huntaka an zawh theihna turin i ṭawiawm ang u.” tiin W Phaileng mipuite a chah a ni.
W Phaileng Dinthar VCP, Pu PC Zarzoliana chuan W Phailengin Market zahpuiawm loh tak, Distirct Capitala awmtur niawm tak, keini Khuain kan neih theih natura kan MLA Pu Lalrintluanga Sailo in hma min laksaknaah tih tak meuhin lawmthu kan sawi a. He Bazar hming kan lam apiangin Pu Rintluanga hming hi kan bengah achâm reng tawh dawn a ni, tiin Khawtlang aiawh in lawmthu a sawi bawk a ni.
