AAP Mizoram chuan sawrkarna siamtu ZPM-te chu an lawmpui hle tih sawiin, “Mizoram tha siam ngei turin duhsakna sang ber kan hlan a ni,” an ti.
Vawiin khan Aizawl Press Club-ah chanchinthar lakhawmtute kawmin, “Kumin atangin AAP chuan Mizoram- ah bul kan tan a, min support tute chungah lawmthu kan sawi nawn leh duh a. Mizoram tan kan theihtawp kan chhuahnaah min support zelturin kan ngen a ni.
“AAP chuan kan duh ber chu kan ramah sawrkar tha awm se. Mizoram siamtha se tih hi a ni a Chumi chu ZPM pawh hian an thei a, chutiang kawng zawng a hma an la a nih chuan tha takin kan support dawn a, an intiamnate an tih hlawhtlin ngei theih nan Mizoram mipuite’n I tawngtai pui ang u, amaherawhchu a hma a kan hmuh ang sawrkar. Mipui sawrkar nilo party sawrkar an siam a nih erawh chuan na tak in hma kan la anga Kan dodal zel dawn a ni.
“Tunah hian thla tam tak hlawh la lo pawh an la awm nual a, kan sawrkar tharah chuan hengte hi a bo tawh ngeiin a rinawm Dampa Tiger Reserve a thawkte pawhin hlawh thla engemawzat an la tawh lo tih niminah kan lo þria a, anni hian tu vak hriat lohin ramngawah ramsa leh thingte vengin hah takin hna an thawk a, chuvangin ngaihsak hi an phu hle a, sawrkar hruaitute’n a rang lamin ngaihsak se kan ti hle.
“Kumin atan AAP Mizoram chuan vawiin atangin office kan khar dawn a, Mizoram mipuite krismas leh kumthar muanawm tak hmang vek turin dehsakna kan hlan a ni,” an ti bawk.
