Hemi chungchangah hian thuchhuah siamin, hun eng emaw chen Sakei (Tiger) thlalak kan neih loh hnuin Feb. 2021 khan hmuh a ni a. Sakei an hmuh hnu hian hlawh pawh regular zawka lak theih an in beisei a mahse, vawiin thlenga an thawh hlawh an la theilo chu hriatthiam har an tih thu an sawi a. DTR hnuaia TPF Staff-te hi chhungkua leh nupui fanau chawm deuh vek an nih thu sawiin, dawra an batna te pawn bat an phallo ṭan a. Regular takin Wildlife Protection duty in an chhuah ve reng a lo ngai bawk nen, Sorkar hnuaia thawk an nih miau avangin, Kawng dang hmangin sum an zawng leh ngaihtuah hman bawk si lova an mangang tawh tak zet a ni, an ti.
Chuvangin 20th November, 2021 kan hun tiam ral hma ngei hian sorkarin kan thla ruk hlawh hi a remchan dan leh aṭul dan anga kan hlawh hi min ngaihtuah sak theilo anih chuan All Dampa Tiger Reserve : Tiger Protection Force Staff (152) te chu duty-in kan chhuak thei tawh dawn lo a ni tih min hriat sak turin thu neitute kan ngen e.
