Dan anga hnathawk niin NHIDCL a insawifiah

Aizawl June 9 : National Highways and Infrastructure Development Corporation (NHIDCL) in Mizoram chhunga motor kawngpui an laih mêk avanga, tunlaia harsatna thleng chungchang ah NHIDCL Executive Director Virendra Jakhar chuan dan lo angin engmah an tih loh thu sawiin, an leivung paihna chungchang ah paihna tur hmunah vek an paih niin a sawi.
Thudawn danin NHIDCL Executive Director chuan hemi chungchangah hian Forest department nen inbiakna an la neih loh thu sawiin, a hmun a enfiah ho (Jt verification) pawh neih ni se a duh thu a sawi a. Virendra Jakhar chuan social media a thu a darh dan chu pawi a tih thu a sawi a, ruah sur avangin Lui tui nu chu a thleng fo thin thu leh an ni chuan a hmun ngei ah pawh a enfiah a ngam tih a sawi. A paihna tur hmun 138 ah DC te phalna (approval) a an paih thu a sawi bawk.
Hetih lai hian Mizoram Pollution control board hotu te chuan he buaina hi ngawihsan mai an tum loh thu leh hma lak chhunzawm zel an tum thu an sawi ve bawk a. Leivung paih in Lui tui a tih nut avanga Pollution control board in NHIDCL hnena Show cause notice an pek chu an rawn chhan let tawh thu an sawi a, file erawh la attend loh a la nih rih thu an sawi a a rang thei ang bera bawhzui tur a tih a nih thu MPCB te hian an sawi a ni.
MPCB te chuan insawihfiah tura NHIDCL te an hriattir chungchanga chhan let na a, an in sawifiahna ah leivung paih chungchanga mawhphurtu chu anmahni nilo in contractor te an nih thu tarlan a ni a, hei bâk ah hian kawng 100 mt chin ah chauh environment clearance a ngaih thu tarlan a ni a, an kawng siam te hi 100 mt aia sei engmah a awm loa, clearance ngailo tawk in tawi te te ah tan a ni a, an kawng siam zawng zawng belh khawm erawh 500 mt chuang anih thu pollution control board a thu neitu te chuan an sawi a, hei hi environment clearance pumpelh na atana tih a ni em tih a hriatloh niin MPCB hotute chuan an sawi ve thung a ni.