Ni 25.5.2024 (Saturday) @ 9:00 AM, khan Kanhmun Police, Kanhmun Police Check Gate a duty-te chuan Maxi Cab Aizawl leh Agartala inkar a tlan, Registration Number-TR 06 0002 chu lo enfiahin, a driver Chawngthanmawia (32) s/o Laxmi Dal of Tudui, Amapur District, Tripura motor neitu ni bawk chuan a motor ah hian Rul sawmpariat (18), Satel pali (4) leh Zawng pahnih (2) dan lo a phur chu hmuhchhuah a ni a, man sak nghal a ni.
Driver hi uluk taka thu zawh fiah ani a, a sawi dan in Binoi Molsom @ Sanga Molsom, chuan heng nungcha te hi Zodin Bus Stand, Aizawl, Mizoram, atanga a thawn niin, Zo Sumo Travels Counter, Agartala, a sumo pakhat ah hlan chhawng turin a ti a ni.
Binoi Molsom (34) s/o Company Manik Molsom of Bakbasa, North Tripura P/A Silai Mual Melthum Aizawl, Mizoram, heng nungcha thawn tu chu chhui zui niin Sairang Police te chuan an man ta a ni.
Heng an nungcha man te hi Range Officer, Kanhmun Forest Range, Forest Department, Mizoram hnen ah a tul anga hma la tura hlan nghal a ni.
